Рэспубліканская навукова-тэхнічная бібліятэка прапануе паслугі па індэксаванні дакументаў

Рэспубліканская навукова-тэхнічная бібліятэка прапануе паслугі па індэксаванні дакументаў з выкарыстаннем агульнапрынятых класіфікацыйных сістэм, якія ўжываюцца ў навуковым і адукацыйным асяроддзі.

Ажыццяўляецца прысваенне:

• УДК (універсальная дзясяткавая класіфікацыя) – міжнароднай сістэмы сістэматызацыі ведаў;
• ББК (бібліятэчна-бібліяграфічная класіфікацыя), што шырока выкарыстоўваецца ў бібліятэках і выдавецтвах;
• ДРНТІ (дзяржаўны рубрыкатар навукова-тэхнічнай інфармацыі), неабходнага для ўліку і пошуку навуковых распрацовак.

Індэксаванне – ключавы этап падрыхтоўкі навуковых, навучальных і метадычных матэрыялаў, які забяспечвае сістэматызацыю і эфектыўны пошук інфармацыі і дазваляе:

• дакладна суадносіць дакументы з тэматычнымі часткамі і напрамкамі даследаванняў;
• спрасціць навігацыю па бібліятэчных і электронных рэсурсах;
• уніфікаваць афармленне дысертацый, навуковых артыкулаў, справаздач і манаграфій;
• прывесці матэрыялы ў адпаведнасць з патрабаваннямі выдавецтваў, навуковых арганізацый і атэстацыйных камісій.

Паслугі індэксавання важны для даследчыкаў, выкладчыкаў, аспірантаў, студэнтаў, а таксама для арганізацый, якія займаюцца падрыхтоўкай і выпускам навуковых і навучальных выданняў.

Па матэрыялах РНТБ

Больш навін аб інтэлектуальнай уласнасці – у нашых сацсетках (Facebook, Instagram, Telegram, VK).

Фота: Злата Лукашэвіч